鹹點包括：煙燻鱈魚伴冰菜及墨汁薄脆、莎莎醬西班牙沙甸魚配蒜蓉脆多士、西班牙甜椒蟹肉伴馬賽魚泡沫、新喀里多尼亞大蝦他他伴迷你法式麵包配黑檸蛋黃醬，及香炸肉丸配煙燻青口蛋黃醬等。
而甜點則包括：海鹽焦糖「金磚」巧克力、「翡翠」綠茶意大利芝士蛋糕、「珍珠」白朱古力白桃慕絲、「紅寶石」士多啤梨洛神花忌廉慕絲、「金幣」咖啡夾心朱古力等。
仲有得獎調酒師Leo Cheung設計的冧酒雞尾酒， 初時我地問有冇得揀，點個個侍應過杯野飲好靚架，如果唔要就要咖啡或茶，冇咩特別囉。。。
甜品箱出場都有乾冰煙，好靚。杯野飲一出場真係嘩嘩聲，佢個杯係一個菠蘿造型，杯底出煙，好夏日，好正！仲吸引到隔離枱過黎睇下係咩黎添，好攪笑。
我覺得係好食既，鹹點造型好高貴又好食，不過味道有少少偏淡。至於甜品，比起平時食既唔太過甜，因為有時出去食Afternoon Tea 會好甜會食到唔想食，有時個馬卡龍會食唔到，但呢個甜品最甜就係個金磚，可能加左海鹽，都唔會過甜，可以完全食得囇所有甜品。okay!
