新仙清湯腩咖哩專門店 (已結業)

某日的下午茶。三個人，想試腩，得坑腩無爽腩，就要個坑腩例牌，阿哥推介要個大例牌，想小試，都係正常例牌小試先。一人要碗粉，要左豬潤，牛肚同牛筋。先黎係個例牌坑腩，賣相真係麻麻，好似d頭頭尾尾斬埋一碟黎，不過食落肉味濃郁，也鬆化，是不錯的。也試個牛湯，湯水準還可以，不過跟華姐比較，個人覺得華姐好一點。伴有蘿白，夠入味，食落鮮甜，好食。牛肚同牛筋都一般水準，牛肚未算軟熟，牛筋就硬身左d，豬潤就幾唔錯，煮得粉嫩唔過火，是幾唔錯的。這裡的水準還可以，至少比早前食過既新店好。