白鬚旗艦店 (已搬遷) 新店位置

第一次入西貢行山，出番黎諗住睇下有咩特別野可以食啦。同行既人就話而間餐廳好似幾特別同d評價都唔錯，所以入去試試佢啦 。當時大約6點幾，唔洗等位就入得。餐廳個環境暗暗地，裝修有d外國feel，又播住d好chill既音樂，行完山咁勊入到黎坐低即刻放鬆晒。我就叫左個印尼雞湯粉，望落好細碗但料都好足，d雞肉份量都多，唔會話好少氣。佢跟埋個個自家製辣醬好野味，食落後勁好西利，配埋d雞肉一齊食好野味。D湯飲落去有d似唔辣既冬陰公湯，清清地又有d椰漿既味道，好特別。d粉都好彈牙，唔會話浸耐左就會好軟好腍。下次再黎西貢既話都會選擇黎而間餐廳再繼續chill。