壹碗壹碟 (已結業)

午市時間經過筲箕灣東大街，見到呢間舖頭好多人排隊，反正冇咩特別想食，就排隊試吓佢，入到舖頭第一個見到嘅，係大量文宣，佢有好多免費自取嘅文宣卡，每張枱上面都痴滿咗唔同嘅標語。呢間餐廳採用嘅係自助落單，掃枱面上面二維碼，我叫咗一碗麵，同埋一份椒積雞翼同埋咖喱三寶。碗麵我連相都冇影，因為真係好普通，個湯勁淡，我揀咗小辣辣湯，我連辣味都唔係好食得出。椒積雞翼真心好好食，佢有啲避風塘嘅感覺，但唔會太鹹，好多肉汁，炸粉唔會太口，配埋佢面頭有啲脆脆嘅炸蒜粒，推薦咖喱三寶同樣好味，首先佢個汁調得唔錯，咖喱味香，蘿蔔好入味，豬皮有彈性，魚蛋夠大粒。但我最推薦嘅都係個雞翼