牛涮鍋 (已結業)

一食就食咗兩年！食過咁多間日式打邊爐最好食係呢間！不過最近改咗餐牌，牛肉質素唔同咗！真係可惜～冇以前咁平靚正！呢度啲芝麻汁好好味，必食！好濃郁唔似出邊嗰啲水咁樣～我哋叫咗價錢第三高嗰款牛肉，質素先同以前最平嗰款牛肉一樣～價格高了很多～呢款牛肉比較淋身，好香口！半肥瘦入口溶化！今次試咗新出嘅湯底，黑蒜豬骨湯！黑蒜味好香～呢度有小朋友餐具，BB櫈提供，90 cm以下用餐免費的！日式咖喱唔辣嘅，係甜咖喱，小朋友都食到！今期有新口味，香蕉味雪糕！好香好滑～不過我都係覺得原味牛奶味最正！雖然牛肉質素有變，但係仍然排係我地打邊爐嘅第一位！款式選擇多好食！大人小朋友都好鍾意！