影片
更多
2009-03-19
21 瀏覽
幾年前嚟食過, 感覺還好. 近日心思思想食自助餐 , 睇咗下面嘅食評, 決定再食多次.總結係: 有進步, 好滿意.款式少係事實, 不過質素真係唔錯. 先講頭盤海鮮: 生蠔細隻, 但係好鮮甜, 質感好爽, 味道極佳, 我忍唔住食咗一打. 蟹腳好鮮甜多汁, 仲事先剪開咗個口, 唔使用蟹鉗都可以輕易拆開, 有心思,抵讚! 龍蝦仔部分有膏, 鹹味適中, 唔錯. 青口細隻而鮮嫩, 口感不俗. 翡翠螺好爽, 部分有少少沙, 都Ok, . 唯一冇咁欣賞係啲蝦, 因為食咗兩隻都係條腸有沙, 影響食慾. 由於啲海鮮真係好味, 我足足食咗三round至肯停, 好滿足.餐湯有兩款: 香辣牛肉湯同越式魚茸羮. 一打開煲蓋, 即刻揀前者, 因為又香又多料. 結果不負所望, 個湯好濃郁, 一啲都唔辣, 非常美味,魚生只有三文魚. 立魚同吞拿魚, 試咗前兩者, 質素幾好. 日式檔仲有即製手卷同壽司. 因為想騰出胃納, 所以只係試咗壽司. 可能係啲醋加咗糖, 覺得啲飯太甜, 麻麻地.沙律檔有好幾款現成沙律, 另有配料可以自製喜歡嘅口味, 唔錯.上半場有風腿片捲蜜瓜, 下半場換咗煙三文魚, 兩者
總結係: 有進步, 好滿意.
款式少係事實, 不過質素真係唔錯.
先講頭盤海鮮: 生蠔細隻, 但係好鮮甜, 質感好爽, 味道極佳, 我忍唔住食咗一打. 蟹腳好鮮甜多汁, 仲事先剪開咗個口, 唔使用蟹鉗都可以輕易拆開, 有心思,抵讚! 龍蝦仔部分有膏, 鹹味適中, 唔錯. 青口細隻而鮮嫩, 口感不俗. 翡翠螺好爽, 部分有少少沙, 都Ok, . 唯一冇咁欣賞係啲蝦, 因為食咗兩隻都係條腸有沙, 影響食慾. 由於啲海鮮真係好味, 我足足食咗三round至肯停, 好滿足.
餐湯有兩款: 香辣牛肉湯同越式魚茸羮. 一打開煲蓋, 即刻揀前者, 因為又香又多料. 結果不負所望, 個湯好濃郁, 一啲都唔辣, 非常美味,
魚生只有三文魚. 立魚同吞拿魚, 試咗前兩者, 質素幾好.
日式檔仲有即製手卷同壽司. 因為想騰出胃納, 所以只係試咗壽司. 可能係啲醋加咗糖, 覺得啲飯太甜, 麻麻地.
沙律檔有好幾款現成沙律, 另有配料可以自製喜歡嘅口味, 唔錯.
上半場有風腿片捲蜜瓜, 下半場換咗煙三文魚, 兩者都OK好味.
熱葷同即製粉麵檔唔係我杯茶, 冇乜點試, 只係揀咗羊扒一樣. 難得嘅係個羊扒做得好軟熟, 一啲都唔韌, 味道唔錯.
主菜係燒牛肉. 水準唔係好穩定. 我個friend攞嗰舊係好靚嘅五六成熟版本, 肉色鮮紅仲有少少血水, 真係一流極品......點知到我即刻出去再攞就變咗十成十well done. 個廚師好無奈咁話生啲個舊派晒, 新捧出嚟嗰舊熟啲......半個鐘之後再去, 嗰舊冇咁well done, 但都有九成以上. 唉, 呢樣係全晚最大嘅遺憾......
甜品細細舊, 幾好味. 最正係American cheese cake, 好味過tiramisu, 拿破崙就只係一般. 芒果布甸稀咗少少, 啫喱同栗子朱古力撻都ok. Pancake因為胃納唔夠, 試唔到. 雪糕試咗兩款, 名堂唔記得, 我特登走去沙律吧加少少瓜仁上去, 味道好好. 不過Hagaan Daz偏向甜少少, 唔食得多.
埋單找數每位$280(信用卡優惠), 包晒啤酒, 汽水, 餐飲同加一, 捧住個肚走, 真係超抵!
張貼