蒸廬

營業中

休息中

未分立場的時候，呢間位於石門嘅點心店「蒸蘆」一向都好多人排隊，每次去石門都想試吓，但佢都係好長人龍⋯⋯後來因為疫情加上限聚令，今次行過嘅時候，見到有位就即刻入咗去。之前睇過啲人推介，一定要叫一個蒸飯，同埋佢嘅桂花糕係非常足料。所以今次我都叫晒呢兩樣野另外再叫咗一啲我平時去飲茶都會叫嘅點心。南瓜鳳爪排骨飯估唔到佢嘅飯好有味，係粒粒分明，而且有一啲蒜油香，估計應該係鳳爪嘅精華所以非常惹味。而且份量都係意料之外咁多，平時睇慣左酒樓嗰啲頭飯尺寸😅蟹子燒賣皇入面嗰隻蝦真係好大隻，好彈牙薑蔥牛柏葉因為我唔太喜愛食牛柏葉，但係男朋友非常之鍾意，呢個就較為普通。咖喱土魷蒸豆卜佢個咖喱真係好好食，最後食唔晒嗰啲飯係靠佢個咖喱食埋佢。紅豆桂花糕果然真係一定要嗌桂花糕。食咗幾款點心之後的確有一點油膩感，最後靠佢幫我化解左。入面真係好足料，桂花味重，紅豆多！至於服務態度方面，職員做嘢爽快，不過有一點要改善嘅係，茶壺放低時需要細力少少，有幾次差啲到咗啲茶落我嗰度。當然，我明白係好多嘢做。但係我諗職員都唔希望食客有啲咩意外掛。