醉紅樓河鮮軒 (已結業)

公司同事做節，揀左黎試醉紅樓，意外地幾好食wor人到去感覺好光猛，好乾淨，張枱布都係白雪雪架。公筷，豉油，醋，濕紙布，乜都齊，讚！雖然lunch time係繁忙，但係所有姐姐仔都好有禮貌，好友善，感覺到自己好重要。　煎蘿蔔糕：出到黎重有煙，食落真係熱辣辣。　蘿蔔好新鮮，完全唔粉，又唔乾，唔硬。好食。　煙鴨胸：冷盤。平時出去食煙鴨胸會覺得個煙味會太重，有種燒爖左既味，而且教出黎個味會偏咸。今次醉紅樓個煙鴨胸不旦冇左個爖味，而且一D都唔咸。正!!! 推介一。　蠔仔粥：　D蠔仔好肥好甜呀。嘩，好得！　最低係佢，三十幾蚊碗，有米有湯又有蠔，yummy!!! 個個都話正。　豆腐：好似臭豆腐咁，只係冇左我平時加既麻醬同甜醬。D老人家好鍾意我自己就真係嘛嘛... 佢地話正中潮州豆腐係咁bor　娥眉野菌腸粉：豉油係另上既（感覺好健康），不過我地自己加哂落去。　好清好多料，可能架左豉油，所以一D都唔覺得淡口。　山竹牛肉球：都係熱辣辣，喼汁都係另上。整體上，我地大家都好滿意。