台灣美食 (已結業)

今年有段時間，過咗旺角返工，去到周圍都係美食嘅旺角，當然要周圍試食😝台灣美食一開始係同事介紹，一試過之後一發不可收拾，經常都返去幫襯，因為除咗正餐好食，我最鍾意就係佢跟餐個杯台式特飲😋黎到台灣美食，最鍾意就係食瑞士雞翼飯，同埋炸魷魚鬚肉操飯。瑞士雞翼非常入味、炸魷魚鬚香脆可口。而台式特飲，試過好多款都好正，我最鍾意就係飲雪香系列嘅黑海，即係下圖呢款朱古力味特飲😋喜歡朱古力嘅人一定鍾意飲，尤其是夏天非常解渴。成個餐加埋都係$50左右，包一杯台式特飲，性價比非常高。