2
招聘中
$28,000-$33,000
月薪 (面議)
$17,000-$22,000
月薪
136
54
14
等級3
43
2
2022-11-05 928 瀏覽
原本bookmark呢間餐廳,係因為想帶狗狗嚟,但早1-2個月前打電話去想訂位(下午茶),對方答話冇得訂,只可walk in 排隊。最後因為山長水遠,如果call車去到冇位就掃興,所以只好擱置。點知,前日朋友提議去食嘢,仲book到第二日1500(下午茶開始時段),所以我實在搞唔清到底個訂位制度係點~~今次係我第一次喺度食嘢,之前諗住食下午茶,心態好簡單:(1)照顧狗狗,通常食不知味,所以揀經濟實惠的時段嚟,只係為咗個景;(2)部分食評話呢度的食物質素麻麻,所以唔想高花費但失望而回。不過,食完今餐,我會再次帶埋狗狗嚟光顧架!一行三人,點咗3個下午茶餐(藜麥羽衣甘藍沙律、照燒雞漢堡、大蝦多士)同餐牌裡面的甜品 - 66%朱古力慕絲)。下午茶唔跟飲品,但提供優惠,可加$15點汽水/有機茶或加$30點選擇有限的咖啡。我哋就點咗龍眼茶、Cappuccino同Flat White。藜麥羽衣甘藍沙律係我點的,沙律新鮮,羽衣甘藍比我喺街市買的爽脆,藜麥就可以增添咬口。沙律的份量作為下午茶好足夠。我好鐘意個醬汁,係胡椒柚子醋,朋友試過話有啲酸,但我覺得好開胃,亦令到沙律菜冇咁單調。可能我比較重口味,所
更多
原本bookmark呢間餐廳,係因為想帶狗狗嚟,但早1-2個月前打電話去想訂位(下午茶),對方答話冇得訂,只可walk in 排隊。最後因為山長水遠,如果call車去到冇位就掃興,所以只好擱置。點知,前日朋友提議去食嘢,仲book到第二日1500(下午茶開始時段),所以我實在搞唔清到底個訂位制度係點~~


今次係我第一次喺度食嘢,之前諗住食下午茶,心態好簡單
:(1)照顧狗狗,通常食不知味,所以揀經濟實惠的時段嚟,只係為咗個景;(2)部分食評話呢度的食物質素麻麻,所以唔想高花費但失望而回。不過,食完今餐,我會再次帶埋狗狗嚟光顧架!

13 瀏覽
0 讚好
0 留言

14 瀏覽
0 讚好
0 留言

一行三人,點咗3個下午茶餐(藜麥羽衣甘藍沙律、照燒雞漢堡、大蝦多士)同餐牌裡面的甜品 - 66%朱古力慕絲)。下午茶唔跟飲品,但提供優惠,可加$15點汽水/有機茶或加$30點選擇有限的咖啡。我哋就點咗龍眼茶、Cappuccino同Flat White。

藜麥羽衣甘藍沙律係我點的,沙律新鮮,羽衣甘藍比我喺街市買的爽脆,藜麥就可以增添咬口。沙律的份量作為下午茶好足夠。我好鐘意個醬汁
,係胡椒柚子醋,朋友試過話有啲酸,但我覺得好開胃
,亦令到沙律菜冇咁單調。可能我比較重口味,所以特別欣賞。

6 瀏覽
0 讚好
0 留言

下午茶:藜麥羽衣甘藍沙律
$108
8 瀏覽
0 讚好
0 留言

照燒雞漢堡的擺盤同坊間大大小小的餐廳一樣,唔特別,而份量就正常。男朋友食完,讚個照燒汁好味
、件雞嫩滑
,就連個包都好好食
,所以佢非常滿意呀!我都有試過啲薯條,係粗薯條嚟,有部分薯條連薯皮,我覺得好食呀!

下午茶:照燒雞漢堡
$138
7 瀏覽
0 讚好
0 留言

大蝦多士係另一位朋友點,佢對果幾隻大蝦讚不絕口,食的時候讚,就算食完離開咗間餐廳都讚咗幾次。。。蝦好大隻、爽甜、有鮮味,唔會「霉」
。呢個餐睇落去係似個下午茶,份量唔大,但朋友話佢係物有所值

下午茶:蝦多士
$128
6 瀏覽
0 讚好
0 留言

到我點的Flat White ,坦白講,我未喺任何一間餐廳/咖啡店,飲過咁細杯的奶啡
,真係冇試過
,太細杯喇。。。而且冇拉花
。我覺得以正價$50嚟講,應該可以提供更好的質量吧?
唔知係咪會有人一場嚟到只係點杯咖啡坐,所以餐廳要賺番夠本呢??唉,細都算(真係2啖飲曬),仲要冇乜味添,杯咖啡聞落已經冇乜香味,都唔好話入口的味道喇。

下午茶:Flat White
$30
6 瀏覽
0 讚好
0 留言

至於龍眼茶,我覺得加$15真係唔貴,同埋如果自己加少少糖,應該更好飲。佢杯茶都幾大,之後我將個茶包放入另一杯熱水度泡,都仲沖到有色有味
!所以,如果真係下午茶加配,建議揀茶,唔好揀啡。
下午茶:龍眼茶
$15
8 瀏覽
0 讚好
0 留言

66%朱古力慕絲係餐牌裡面的其中一款甜品。餐廳的甜品好似全部>$100,價格唔算親民。我哋見呢個甜品係66%朱古力,所以估佢應該唔太甜,可以一試
甜品的賣相好靚,幾有心思
。朱古力慕絲有3件,形狀不一,再加啲裝飾,砌成一碟,睇落去除咗靚,陣容仲幾可觀下,令我第一眼已經覺得佢值$128
。朱古力慕絲幾好味,有朱古力味,唔太甜;raspberry的酸味,能夠中和到朱古力的甜膩,亦令到整體的味覺豐富啲。我哋好滿意,冇揀錯呀!

66%朱古力慕絲
$128
10 瀏覽
0 讚好
0 留言

66%朱古力慕絲
$128
8 瀏覽
0 讚好
0 留言

餐廳個景就唔使多講。我哋平日嚟,下午茶時段人流唔多,感覺好舒服。下次一定要帶埋狗狗嚟,希望狗狗都有份去多啲靚的地方enjoy下
!另外,有機會都想嚟晚餐,感受下夜晚的氣圍。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2022-11-04
用餐途徑
堂食
人均消費
$220 (下午茶)
推介美食
下午茶:藜麥羽衣甘藍沙律
$ 108
下午茶:照燒雞漢堡
$ 138
下午茶:蝦多士
$ 128
66%朱古力慕絲
$ 128
66%朱古力慕絲
$ 128