丸·茶手作 (勝利道) (已結業)

飲之前已經上過openrice睇過d評語已經見到d人話唔好飲，但都想試下點解咁多人排隊同都有d評語話好飲。1點幾去到，前面無人排隊，我同朋友夾埋買左兩杯，但效率好慢，整兩杯野都整左成十至十五分鐘。佢個到個menu寫有4-5款珍珠，但去到得一款最普通既黑糖珍珠，完全唔明白點解無咁多款又要寫係menu到，無咁大個頭就唔好帶咁大頂帽啦好心！杯野嚟到啦，抱住新奇心態去試，點知一飲，杯野無乜味，得d甜品同水味，朋友個杯都係咁，好無奈。杯野勁難飲都算，d珍珠無其他人吹噓到咁有咬口，同d珍珠好細粒。以為都唔會再飲，見到有人排成半個鐘，如果要等咁耐更加唔值得。