霸嗎拉麵 (屯門市廣場1期)

排隊半個鐘，最後食咗碗翻熱日本包裝即食拉麵！等於超市買果啲！好無誠意仲要賣90幾蚊！日式拉麵最緊要係個湯，新鮮整係會想連湯都飲埋，但係我覺得呢間係全味精開出黎，偏濃味可惜只有好唔天然嘅味精味，係過份味精果隻！食咗頭幾啖已經頂唔順好喊好口渴，食唔到落去，叉燒有陣雪藏味，似煲完湯嘅瘦肉，乾瘦，感覺未經處理好似淨咁煲熱佢，係有兩大塊但難食！個麵同即食拉麵一樣，仲有啲鹼水味，全部嘢都係翻熱好失望，一定唔會再幫襯！