美都餐室

營業中

休息中

好耐無黎，味道愈來愈差。叫咗個鮮茄牛腩通$58，其實呢啲咁基本嘅菜式，一試就試到間餐廳嘅水準。其實功架ok嘅茶餐廳，好難將呢啲基本嘢煮得難食。一上枱唔係鮮茄湯底不特止，只有幾粒蕃茄切粒，湯還湯，粒還粒。牛腩肉少，好靭，就算$58唔會畀最靚嘅牛坑腩，但點會係畀啲好似擦紙膠根本咬唔到嘅畀個客。老實講食氣氛可唔可以畀少少heart，呢啲真懷舊小店就算要做遊客生意都畀返少少食物水準。真心好難食，食氣氛唔使一定食呢間，香港都有好多其他懷舊冰室/餐廳值得支持，完。