漁牧 (已結業)

我上次同同學嚟呢度間嘢，嗰陣時天氣開始轉凍，呢間嘢食完之個身暖笠笠。我地叫咗個榴槤雞煲,佢一菜之後完全聞唔到佢係用榴槤整嘅，唔知佢地用咩方法去咗陣氣味。啲榴槤果肉經過烹煮之後變得腍咗，啲味入埋去啲湯汁度。啲清新嘅果香都滲入埋啲雞件度，啲雞肉本身都幾結實，唔會太腍，加上佢係連埋個石油氣爐，食落去都幾暖胃。我地另外都叫咗個填鴨，佢地啲皮好好細心嗰用紙逐層逐層隔開，唔會好似平時咁痴住。相對市面上嘅填鴨，佢相對冇咁多肥膏，而肉味比較濃，食完都唔會覺得膩。鎮江小排骨係我地叫嘅前菜.佢有啲汁好似有用到鎮江醋嚟整，鹹得嚟有有少少甜酸。肉質相當結實，一啲都唔鬆軟。另外呢個係鳯尾魚，都係一個前菜。佢比起一般嘅鳯尾魚嚟得比較脆，但同時亦保留到佢本來嘅鬆化。加上淡淡嘅魚嘅香甜味，都係一個唔錯嘅開胃菜。