日日香鵝肉飯店 (黃埔新邨)

營業中

休息中

今日放工早諗住經過呢間滷水店買盒豬大腸同埋我搶佢孝敬下老婆，比完錢，就見兩個師傅開始斬料，一個負責大腸另一個負責鵝腸，見佢落刀個吓話啲份量少得可憐，啲鵝腸得幾條，豬大腸就有一條，但係偏瘦，基本上冇乜肉可以食，佢分開兩個盒，個服務員交俾我嗰陣時係輕飄飄嘅，大風吹都吹散晒。返到屋企諗住同老婆可以隊下啤酒食下好野，嘩一開盒夾兩舊就冇晒，超級唔抵食，可以話係滷水店中味道非常一般，份量極其少嘅一間店，老實講以後唔會幫襯，而家外賣有八八折，但係八八折之後都仲好貴，好老實講半價就差唔多以咁嘅份量來講，唔會再去幫襯。失望，以為連鎖店啲嘢食同埋水準質量有保證，太失望。補充多一句，滷水味道可以，鵝腸係爽口，只係性價比極低。