影片
更多
2009-11-30
45 瀏覽
傳統意粉第二站: 金園茶餐廳!!其實我本來一路都諗住去新華的呀, 因為我真係好掛住佢哋個傳統曲奇. 不過黎到長沙灣先知原來我一路同朋友溝通出現短路. 不過行到門口見到佢哋都有傳統曲奇食, 而且沿路見到有人食佢哋既蛋撻望到都覺得佢哋個酥皮得! 加上朋友話金園專做意粉, 專到係無飯食. 既然一次過可以滿足晒我三個願望, 所以我決定中途轉駄黎呢到.酥皮蛋撻($4): 蛋漿唔會再甜, 普通水準. 但係個酥皮ok喎. 未去到食到層層分明既感覺. 但係咬落去既時候唔會好似其他茶記一pat野既感覺. 好酥呀~~ 食完好想食多一個!!曲奇($4): 好香牛油味, 不過可能麵粉既關係, 口感有d "空空" 既感覺.茄汁豬扒意粉 + 奶茶 ($40): 用黎煮意粉既茄汁唔係好多, 雖然意粉每一吋都係比茄汁包住,不過都略厭唔夠茄汁味. 不過淋係面既茄汁"欠"就份量十足, 係我尋找左好耐既茄汁玻璃"欠", 我一見到佢上枱連相都唔記得左影馬上叉左一啖黎食... 我自己覺得放左太多糖無左茄汁既酸味無咁好.... 但係~~~ 估唔到佢哋個豬扒咁特別. 好多豬扒意粉既豬扒都係煎既. 我見到佢哋係炸既都已經覺得特別.
其實我本來一路都諗住去新華的呀, 因為我真係好掛住佢哋個傳統曲奇. 不過黎到長沙灣先知原來我一路同朋友溝通出現短路. 不過行到門口見到佢哋都有傳統曲奇食, 而且沿路見到有人食佢哋既蛋撻望到都覺得佢哋個酥皮得! 加上朋友話金園專做意粉, 專到係無飯食. 既然一次過可以滿足晒我三個願望, 所以我決定中途轉駄黎呢到.
酥皮蛋撻($4): 蛋漿唔會再甜, 普通水準. 但係個酥皮ok喎. 未去到食到層層分明既感覺. 但係咬落去既時候唔會好似其他茶記一pat野既感覺. 好酥呀~~ 食完好想食多一個!!
曲奇($4): 好香牛油味, 不過可能麵粉既關係, 口感有d "空空" 既感覺.
茄汁豬扒意粉 + 奶茶 ($40): 用黎煮意粉既茄汁唔係好多, 雖然意粉每一吋都係比茄汁包住,不過都略厭唔夠茄汁味. 不過淋係面既茄汁"欠"就份量十足, 係我尋找左好耐既茄汁玻璃"欠", 我一見到佢上枱連相都唔記得左影馬上叉左一啖黎食... 我自己覺得放左太多糖無左茄汁既酸味無咁好.... 但係~~~ 估唔到佢哋個豬扒咁特別. 好多豬扒意粉既豬扒都係煎既. 我見到佢哋係炸既都已經覺得特別. 但係見到佢哋淋左咁多茄汁"欠"係上面都驚會破壞左炸豬扒既口感, 但係食落發現無d咁既情況發生喎, 唔知點解個炸漿面仲係脆~~ 炸到啱啱好, 唔會過左頭更加唔會乾. 意粉唔係我心中所尋, 豬扒係意外既收鑊~~~ 至於個奶茶就一般, 係重奶派, 唔係my cup of tea!
不過意粉餐價錢貴, 一碟意粉$32加$8有杯餐飲. 意粉既份量唔係等別多, 可能因為有兩塊豬扒? 餐廳入面好都係好乾淨, 唔知呢個會唔會係長沙灣區茶記既特色呢?
張貼
