古早牛肉麵 (已結業)

今日嚟到位於深水埗嘅古早牛肉麵食台灣菜，由於好耐都冇去過台灣啦所以都好想食下台灣嘅小食，餐廳好近地鐵站，所以想去食都好方便。餐廳嘅裝修都係偏向台灣風格嘅，真係好似置身喺台灣嘅食店一樣。咁先講主食我哋分別叫咗一個紅燒牛肉麻辣醬拌麵同一個豬軟骨湯麵，佢嘅牛肉真係好好食，好有口感而且好入味，麻辣醬都好出色，唔會掩蓋左牛肉嘅味道，至於豬軟骨亦都好出乎意料，因為煮得好冧，而且麵都好大個，所以兩個主食都好適合我哋嘅口味。跟住講吓小食方面，我哋分別叫咗四個小食，小食嘅水準都好出色，尤其麻辣牛肚絲同埋起司蛋手抓餅，依兩個小食無論係賣相同埋未到上都好值得去食。總括而言，我覺得依家係一間CP值幾高嘅台式餐廳，去開深水埗真係可以一試