所以就諗起荃灣另一個小菜區域 - 香車街街市
因為環境同比較遠既關係，真係少行去個邊食野
上網做功課個陣俾個鹽焗蜆吸引，就揀左2樓既呢間
咕嚕肉首先上場
雖然唔係話好厚肉，但唔多粉，最緊要個汁好食! 送飯一流
之後羊腩煲同焗蜆都登場
望住啲蜆唔開口，以為唔新鮮啦
點知用叉「作」開D鹽既時候，隻蜆突然彈開
原來係D鹽壓得好實，所以煮既時候開唔到口，係新鮮架!
最鍾意佢用簡單既煮法去食蜆既鮮味
題外話，本身想叫雙併(蟶子+蜆)，但姐姐話個日D蟶子多沙就冇叫到
對羊腩煲其實我冇咩研究，朋友話略嫌醬汁稀左D
但我就覺得夠味，份量都算多就得
有D得意既係呢間放埋粉葛係入面
其實仲有好多菜都幾吸引想試下，但得3-4個人食唔到咁多
睇下班朋友幾時會再去荃灣再食過
