ChaTraMue (已結業)

朋友放左工同佢去附近搵下好野食，經過呢間泰式飲品店，見到佢除左飲品之外仲有雪糕同冰賣。但係呢排疫情關係，店舖既坐位暫時吾開放，所以我們就簡買杯野飲拎住行，繼續搵野食。呢間聽人講係泰國黎既，甘應該好有泰國風味，所以好吸引未去過泰國但好想去泰國既我地去試下~我叫左杯荔枝綠茶，諗住試下泰式荔枝綠同台式既荔枝綠有咩吾同，台式綠茶見得多，到處都有得賣，出餐果陣見到杯好深綠既茶同埋我朋友叫既咖啡就知道，原來泰式綠茶係深綠色既，怪不得見到佢既奶綠顏色比台式既為深啦～甘綠既綠茶真係未飲過，點都要試一試，飲落又吾會話有咩好奇怪既味道，都係綠茶，但係飲落可能因為有荔枝汁，無平時係其他鋪飲既帶有少少苦澀味，飲落都幾好入口，吾好比佢甘深既顏色嚇親好似我甘。飲落荔枝味酸酸甜甜，加上冰量十足，夠曬凍，飲落都吾錯，不過吾好放太耐先飲，d冰溶曬就會將味道沖淡了。朋友飲既咸味焦糖咖啡，吾知係咪因為叫左少糖，飲落咸味焦糖吾係好突出，咖啡味就比較足，都係香濃既，不過可能要叫全糖先飲得出焦糖味濃一點？!下次想飲下佢哋既招牌泰式奶茶，吾知同其他地方飲到既泰式奶茶有咩分別呢～