影片
更多
2023-03-30
94 瀏覽
因為結婚週年紀念， 所以想搵間質素好少少嘅餐廳食飯， 老公上網搵到呢間鐵板超， 開業已經廿幾年， 食評又唔錯而且食物質素都好新鮮， 而且下午時段12:00～4:45入座， 仲有66折添， 超級抵食！我哋今日揀咗一個活龍蝦+南非鮑魚嘅餐， 食材非常之新鮮。活龍蝦龍蝦上枱嘅時候，龍蝦係郁緊， 所以龍蝦肉非常之彈牙，加上師傅用龍蝦本身嘅蝦膏牛油黑胡椒葱嘅調味， 令龍蝦本身嘅新鮮甜味提升咗好多，仲食到淡淡嘅牛油黑椒嘅味道。南非鮑魚上枱嘅時候都係郁嘅， 非常新鮮， 本身鮑魚味道唔會好出眾， 但係因為加咗師傅嘅調味，同埋本身鮑魚新鮮，食落去南非鮑魚非常之爽口，口感非常好， 加上淡淡嘅牛油香， 好想一食再食。A4 和牛厚燒雪花紋非常之靚， 加上師傅嘅功力，煎到塊和牛剛剛好， 入口有少少口感之餘油香非常之豐富， 加上師傅介紹兩種食法， 第一種是配合炸起嘅新鮮蒜片， 食落口感覺非常香口， 能夠帶出濃濃的油香。 第二種食法是配合新鮮wasabi， 因為餐廳本身的wasabi是用新鮮山葵磨製， 所以非常之容易入口， 配合和牛一起食用可以減低和牛本身油膩感， 兩種食法各有不同，值得一讚👍🏻銀雪魚師傅把銀雪魚的
我哋今日揀咗一個活龍蝦+南非鮑魚嘅餐， 食材非常之新鮮。
活龍蝦
龍蝦上枱嘅時候，龍蝦係郁緊， 所以龍蝦肉非常之彈牙，加上師傅用龍蝦本身嘅蝦膏牛油黑胡椒葱嘅調味， 令龍蝦本身嘅新鮮甜味提升咗好多，仲食到淡淡嘅牛油黑椒嘅味道。
南非鮑魚
上枱嘅時候都係郁嘅， 非常新鮮， 本身鮑魚味道唔會好出眾， 但係因為加咗師傅嘅調味，同埋本身鮑魚新鮮，食落去南非鮑魚非常之爽口，口感非常好， 加上淡淡嘅牛油香， 好想一食再食。
A4 和牛厚燒
雪花紋非常之靚， 加上師傅嘅功力，煎到塊和牛剛剛好， 入口有少少口感之餘油香非常之豐富， 加上師傅介紹兩種食法， 第一種是配合炸起嘅新鮮蒜片， 食落口感覺非常香口， 能夠帶出濃濃的油香。 第二種食法是配合新鮮wasabi， 因為餐廳本身的wasabi是用新鮮山葵磨製， 所以非常之容易入口， 配合和牛一起食用可以減低和牛本身油膩感， 兩種食法各有不同，值得一讚👍🏻
銀雪魚
師傅把銀雪魚的魚皮起出來， 另外煎香，所以魚皮入口非常之香脆，而銀鱈魚本身非常厚肉，師傅將銀雪魚煎到剛剛好， 肉質非常嫩滑，啖啖魚油香！
蝦乾蟹子炒飯
炒飯炒得非常乾身， 粒粒分明，加上櫻花蝦大量蟹子大量蔥花， 食落口感非常豐富， 炒飯香氣十足。
最後餐廳上咗個湯，係用龍蝦頭加花甲淆製而成， 所以湯非常之鮮甜，每一啖都係龍蝦味道。
因為結婚週年關係，好多謝清師傅整咗個結婚週年嘅鐵板燒畀我哋影相，非常之有心思❣️大愛🫶
張貼
