pho.dle.bar (已結業)

睇完戲搵個地方食埋野，揀左食越南野，貪佢近近地。間店係呢條走廊嘅盡頭，唔講真係唔知有間餐廳呀。店內環境唔錯，好濶落又夠冷氣，仲有濕紙巾同口罩袋。朋友點左蟹肉大蝦蕃茄湯檬，賣相好靚呀，紅紅綠綠咁啱晒打卡。湯頭極鮮味濃郁，內裏有大蝦同蟹肉，啖啖都係海鮮味好滋味啊。自己點左辣順化牛肉湯檬，平時通常點生牛河，今次想試下新野。湯頭好好味，酸酸甜甜又帶少少辣咁，仲有淡淡香葉味添。牛肉牛筋炆得好軟腍呀，仲好重牛肉味添。檬粉吸左湯汁好好味，唔覺唔覺碗粉同湯就食哂啦。朋友愛食肉就點左一份燒豬頸肉，旁邊仲有木瓜沙律伴碟。豬頸肉燒得好香口呀，入口甘香，啖啖肉好正。最後就係飲品啦，叫左鮮柑桔梳打＆鮮青檸羅勒薄荷梳打，好清新啱哂夏天飲呀。太好味，連湯都飲哂，清碗～加埋一唔使兩百蚊個人，圓方價叫抵食啦。