影片
更多
2021-10-22
38 瀏覽
行街行到攰攰地，決定食個tea再繼續，咁啱就見到呢間cafe，之前食過第二間分店覺得唔錯，就入咗去睇下呢間係咪都係咁高水準。黑松露油芝士吐司 $45賣相真係好靚，面頭啲芝士啱啱好烘到金黃色，咬落去厚厚一層芝士，中間仲流心拉絲添!黑松露味道唔會蓋過芝士，咸咸地同吐司好夾!棉花糖吐司 $48食完咸嘅吐司想試下甜嘅夾唔夾，第一次見咁新奇嘅組合，結果都冇令我失望。食落有啲似美國好興嘅s'more，燒到軟綿綿嘅棉花糖配烘好脆脆嘅吐司，兩樣離奇地夾，唔會太甜食到 好漏。鮮奶抹茶 $36飲品味道嚟講唔算特別，不過特別嘅係佢嘅拉花。唔講都唔記得下星期就係萬聖節，今次嘅圖案好應景，平時好少見南瓜嘅拉花。一啲細節位同埋陰影都好清晰，因為cafe有部專為拉花而設嘅機器，甚至想將自己屋企狗仔印上去都得，只要send張相去app就ok，夠晒方便!黑糖焙茶鮮奶 $39
黑松露油芝士吐司 $45
賣相真係好靚，面頭啲芝士啱啱好烘到金黃色，咬落去厚厚一層芝士，中間仲流心拉絲添!黑松露味道唔會蓋過芝士，咸咸地同吐司好夾!
棉花糖吐司 $48
食完咸嘅吐司想試下甜嘅夾唔夾，第一次見咁新奇嘅組合，結果都冇令我失望。食落有啲似美國好興嘅s'more，燒到軟綿綿嘅棉花糖配烘好脆脆嘅吐司，兩樣離奇地夾，唔會太甜食到 好漏。
鮮奶抹茶 $36
飲品味道嚟講唔算特別，不過特別嘅係佢嘅拉花。唔講都唔記得下星期就係萬聖節，今次嘅圖案好應景，平時好少見南瓜嘅拉花。一啲細節位同埋陰影都好清晰，因為cafe有部專為拉花而設嘅機器，甚至想將自己屋企狗仔印上去都得，只要send張相去app就ok，夠晒方便!
黑糖焙茶鮮奶 $39
張貼
