更多
2016-12-24
600 瀏覽
九龍城出名好多好味既餐廳，真係包羅萬有，我都食過好幾間，今次就同男朋友拍拖食飯，食好野係我們的興趣，哈哈！入去到，第一個感覺「椅子好高啊！」矮人就係咁架啦，哈哈！但感覺好乾淨！好多酒：清酒、燒酌、梅酒、啤酒、威士忌難得去到有日本酒的餐廳，男朋友准許我飲酒！亦都在點菜間睇到「飲燒酌食鍋物」既優惠可以追加$25，就有1杯燒酌「燒白波」所以我都追加埋，1杯梅酒，1杯燒酌都是我的，Yeah！紀洲南高梅原酒 $58/杯好易入口，質地厚淳，甜味不會過份，我覺得恰到好處，order俾女性朋友飲一流。燒酌「燒白波」 追加$25/杯燒酌一定會比較烈，因為酒精濃度高，又醇又搶喉，所以一邊食鍋物，一邊飲燒酌就正啦！富山灣螢光魷 $68質地清爽，用醬酒醃製過，味道濃郁，沒有腥味，亦不會太咸，配上蘿蔔蓉一齊食，多一份清甜味道。鰹酒盜芝士 $58淡淡芝士香，淨芝士都好好味，如果配埋魷魚就有少少鹹，整體黎講都係好食。芥末牛油果蝦 $58材料充足，芥末味唔係好攻鼻，配上餅乾突顯主菜的味道，好好味，送酒一流。真鱈白子 $88其實係鱈魚卵巢，本身係無乜味道，但經醬汁醃製，一入口就係口中爆汁，質地非常滑溜，味道鮮甜，而且聽
九龍城出名好多好味既餐廳，真係包羅萬有，我都食過好幾間，今次就同男朋友拍拖食飯，食好野係我們的興趣，哈哈！
入去到，第一個感覺「椅子好高啊！」矮人就係咁架啦，哈哈！但感覺好乾淨！
好多酒：清酒、燒酌、梅酒、啤酒、威士忌
難得去到有日本酒的餐廳，男朋友准許我飲酒！亦都在點菜間睇到「飲燒酌食鍋物」既優惠
可以追加$25，就有1杯燒酌「燒白波」
所以我都追加埋，1杯梅酒，1杯燒酌都是我的，Yeah！紀洲南高梅原酒 $58/杯
好易入口，質地厚淳，甜味不會過份，我覺得恰到好處，order俾女性朋友飲一流。
燒酌「燒白波」 追加$25/杯
燒酌一定會比較烈，因為酒精濃度高，又醇又搶喉，所以一邊食鍋物，一邊飲燒酌就正啦！
富山灣螢光魷 $68質地清爽，用醬酒醃製過，味道濃郁，沒有腥味，亦不會太咸，配上蘿蔔蓉一齊食，多一份清甜味道。
鰹酒盜芝士 $58淡淡芝士香，淨芝士都好好味，如果配埋魷魚就有少少鹹，整體黎講都係好食。
芥末牛油果蝦 $58材料充足，芥末味唔係好攻鼻，配上餅乾突顯主菜的味道，好好味，送酒一流。
真鱈白子 $88其實係鱈魚卵巢，本身係無乜味道，但經醬汁醃製，一入口就係口中爆汁，質地非常滑溜，味道鮮甜，而且聽店員講呢款係季節限定，只有11月-2月有得食，今次我地真幸運！
九州產活蠔 $38/隻生蠔好新鮮，蠔身飽滿，口感嫩滑，味道又鮮甜，我非常喜歡。
*不過走蔥會好食好多，會更鮮甜。
花魚燒一夜干 $78是一種製作繁複的菜色，面頭有蔥花同一粒粒啡紅色既啫喱，單食時發覺應該是醬油啫喱。
魚肝係不飽和脂肪，質地幼滑，魚肝係一種好特別的菜色，一開始食時覺得OK啦，但慢慢再食，一邊飲一邊食，就會覺得好好味， 甚至想encore多一客！
北海道石狩鍋（鮭魚）$138鍋物本身就會配一份拉麵/烏冬，如果唔夠可以追加$20要多一份。個鍋整體所有材料都係新鮮，重點湯底好清甜，我可以飲一碗。鮭魚我就喜歡煮到半熟，比較滑而且咬落去會更有口感。店員說拉麵大約煮1分30秒就可以食，拉麵質感彈牙唔錯唔錯！
張貼
