SONAMU Korean Restaurant

呢間點解咁紅呢？就係因為佢哋會成張枱連埋食物一齊推過嚟，好快就成枱都係嘢食。的確係幾新穎嘅概念，都幾有特色。不過啲食物就普普通通啦。叫咗4個套餐同一個主菜（最低消費每人200蚊）。

首先，加咗200蚊嘅風川烤河鰻，肉質都OK，但係冇咩味哈哈哈，好淡口，連魚嘅鮮味都冇。韓式豬蹄同韓國食嘅差好遠，唔只我咁覺得，我個朋友都話係（佢啱啱先從韓國返嚟）。韓式烤牛肉就正常發揮。燉牛肋骨幾好，個汁甜甜哋～全場最好食就係海鮮豆腐湯，海鮮種類多，調味都唔錯！韭菜煎餅係凍嘅，仲要黐到個碟實一實。。。。

小菜方面有12款：韓式炒粉絲同泡菜，居然冇味！泡菜嗰種味道，菜還菜，醃料還醃料。。。。。另外仲有啲蒸蛋（好乾）。。。

如果同朋友聚會就更加唔使揀呢間啦，啲嘢都未食完就趕我哋走幾次，根本食唔晒（食之前已經同佢哋講過，但估唔到都係唔夠時間）。

4

2