幸福班戟 (已結業)

呢間 Happy Pancake 香港未開之前係大阪試過, 真係好食到排成個鐘都覺得值得排. 香港開左之後梗係有幫襯啦, 最愛原味同香蕉朱古力味, 佢個咸 pancake 配三文魚牛油果都超好味. 早幾日見佢出左個期間限定的日本白桃 pancake, 日本桃係我的最愛, 即刻約埋個 friend 仆倒黎食啦. 閒日中午十二點黎唔洗排隊, 坐低無耐就有得食. 快快手影兩張相就即刻動手又動口, 因為好快會榻, 每碟三件又大又厚的 pancake 同其他甜 pancake 是一樣的, 不同只是醬汁和配料. 淺粉紅色透明的是薰衣草啫喱, 一大堆白雪雪的滑溜忌廉, 旁邊有一執仔灰黑色的粉末, 我仲以為係黑胡椒粉, 原來係 earl grey 伯爵茶粉, 呢個配搭好特別, 茶粉好香, 估唔到配白桃會咁夾, 白桃清甜多汁, pancake 係一貫的 fluffy, 濃郁蛋香, 保持水準, 唯一美中不足是個薰衣草啫喱搶得滯, 有點喧賓奪主, overall 都好滿意, 好治癒, 食完真係覺得好幸福, 不過兩個人食左三百幾蚊有D肉赤.