一樂日本料理 (已結業)

今日同女友經過尖沙咀，口痕痕想食下日本野，去完馬會買張六合彩就見到有間叫一樂的放題店，充滿冒險精神既我地即刻就去試下啦！一入到個餐廳就梗係行個round先啦，呢度有唔少hot dish, 中餐的豬腳到西餐既pizza都有！甜品櫃最與別不同的是佢的蛋糕是一件仔一碟的，感覺上精緻好多！橙汁同綠茶呢啲大路野呢度都係隆重其事，留意返，係即榨橙汁！生蠔任食絕對係呢度招倈之一！最岩男士補補去！呢度每位客人都包龍蝦一隻！煮法有6種，各有特式！我地叫左個芝士龍蝦同海膽焗龍蝦！絕不欺場！唔使去澳門，唔使去深水埗！去食蟹粥，呢度就有！好鮮甜美味！呢度仲有燉湯！係魚刺燉湯！呢度有大名鼎鼎的movenpick雪糕！最後仲食埋烏冬先走！