322
13
22
等級4
176
0
2018-03-06 7642 瀏覽
係旺角做放題同打邊爐既鋪頭真係非常之多,不過大多數放題餐廳都係提供刺身食物比較多,再唔係既就去任食火鍋。不過今日朋友帶我去食嘅餐廳就可以兩樣都享受到,仲有兩層塔蒸海鮮食,呢間餐廳就叫做八幡屋涮涮鍋!!餐廳非常之闊落,特別自助吧真係有成間鋪頭咁長,左手邊係生果同甜品,右手邊就擺咗肉丸同蔬菜之類既食物係俾你任攞,前邊仲有大量飲品可以俾你選擇由自己倒既菠蘿沙冰,到可樂芒果汁忌廉同啤酒都係比大家任飲既。坐低揀湯底既時間朋友極力介紹佢地既「沖繩海鮮清湯連兩層海鮮塔」,睇菜單已見到有好多野食例如蝦扇貝生蠔同聖子,睇落真係好吸引。係個火鍋同埋兩層塔未到嘅時間我地就叫咗d刺身壽司同埋小食食下先,玉子壽司同埋鰻魚壽司真係幾好食,特別佢地既玉子同埋鰻魚都係熱辣辣鰻魚入口即溶,玉子亦都非常之軟身。佢地既燒菠蘿真係我本人極力推薦,因為佢地既燒菠蘿表面有焦糖,食落去酸酸甜甜仲脆卜卜!串燒方面全部都係即叫即燒(呢樣就好肯定),因為佢地既燒冬菇外面燒到脆,入邊亦都非常之多汁!只有即叫即燒先至可以做到呢一個效果。燒帶子同埋雞串大家都不妨可以試下。時間唔係好耐,大約都係等左10分鐘左右兩層塔就上咗台啦,服務員就介紹上層
更多
係旺角做放題同打邊爐既鋪頭真係非常之多,不過大多數放題餐廳都係提供刺身食物比較多,再唔係既就去任食火鍋。

不過今日朋友帶我去食嘅餐廳就可以兩樣都享受到,仲有兩層塔蒸海鮮食,呢間餐廳就叫做八幡屋涮涮鍋!!

餐廳非常之闊落,特別自助吧真係有成間鋪頭咁長,左手邊係生果同甜品,右手邊就擺咗肉丸同蔬菜之類既食物係俾你任攞,前邊仲有大量飲品可以俾你選擇由自己倒既菠蘿沙冰,到可樂芒果汁忌廉同啤酒都係比大家任飲既。
285 瀏覽
1 讚好
0 留言

89 瀏覽
0 讚好
0 留言
62 瀏覽
0 讚好
0 留言

坐低揀湯底既時間朋友極力介紹佢地既「沖繩海鮮清湯連兩層海鮮塔」,睇菜單已見到有好多野食例如蝦扇貝生蠔同聖子,睇落真係好吸引。
73 瀏覽
1 讚好
0 留言

係個火鍋同埋兩層塔未到嘅時間我地就叫咗d刺身壽司同埋小食食下先,玉子壽司同埋鰻魚壽司真係幾好食,特別佢地既玉子同埋鰻魚都係熱辣辣鰻魚入口即溶,玉子亦都非常之軟身。
45 瀏覽
0 讚好
0 留言

佢地既燒菠蘿真係我本人極力推薦,因為佢地既燒菠蘿表面有焦糖,食落去酸酸甜甜仲脆卜卜!

串燒方面全部都係即叫即燒(呢樣就好肯定),因為佢地既燒冬菇外面燒到脆,入邊亦都非常之多汁!只有即叫即燒先至可以做到呢一個效果。燒帶子同埋雞串大家都不妨可以試下。
37 瀏覽
0 讚好
0 留言

時間唔係好耐,大約都係等左10分鐘左右兩層塔就上咗台啦,服務員就介紹上層係有蝦扇貝同埋生蠔;下層就有螺聖子同埋青口,仲同我地講一路蒸緊海鮮嘅時間,鮮甜嘅汁仲會流過火鍋既湯底,增加左湯底既鮮味,急不及待就試咗上層嘅蝦先,蝦蒸既時間啱啱好好鮮味亦都爽滑!扇貝同生蠔食得出本身好新鮮,食落去非常之滑身。
36 瀏覽
0 讚好
0 留言

之後做到是下層嘅聖子同埋青口等,青口非常之清甜,聖子就配合蒜蓉粒食,仲有一樣野大家唔可以漏咗,就係下層嘅南瓜!因為佢哋吸收左雙層海鮮嘅精華個南瓜非常之甜,亦都好軟綿綿,呢個兩層塔海鮮絕對滿足到鍾意食海鮮嘅朋友!
39 瀏覽
0 讚好
0 留言

食完海鮮之後就要試吓佢地既火鍋湯底,湯底配料方面有紅蘿蔔三文魚同埋海帶,可能因為有蒸海鮮既汁,個湯底好清甜,好有海鮮既鹹香味,火鍋配料可以有非常之多選擇。
220 瀏覽
0 讚好
0 留言

157 瀏覽
0 讚好
0 留言

以我個人就重點推介佢地既花膠墨魚滑同埋生蠔。
28 瀏覽
0 讚好
0 留言

仲有真係要講講佢哋嘅牛肉,佢地既美國牛肉牛味好香,同埋肥瘦啱啱好,唔會只係有油花,配合清甜嘅湯底就可以食到牛肉嗰種肉味。
39 瀏覽
0 讚好
0 留言

放題餐廳係香港越開越多,不過呢一間放題餐廳可以一次過滿足你食火鍋刺身同埋海鮮既願望,唔需要次次去唔同嘅餐廳食唔同style同埋食材!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2018-03-05
用餐途徑
堂食
用餐時段
晚餐