炳記牛牛 (已結業)

黎到“女人街”度穩食，梗系要食d第二度難穩到既野黎食啦！ 行行下見到一間快餐店都幾多人wo~再睇埋個餐牌，哇~~~一個餐平均都系40文包杯野飲，又真系好抵wo~於是就入左去啦！ 睇下個餐牌先，原來有d飯仲平，三十幾文就有一個，但系唔包野飲。於是友人就叫左個49文既海南雞飯（包野飲），我就叫左個雞排飯（唔包野飲）。 d野食都好快送到，大概五分鐘後，野食就送到面前，快餐果然系快餐，真系好快！！ 首先講下個海南雞飯，友人話只雞好嫩滑，飯系油飯，都幾香口。總闊來講，都屬於中上水平，都食得過！ 跟住，我個雞排飯就犀利啦~~原本我以為距系白飯底加塊煎雞排，普通到冇人有果d飯，點知系炒飯，我未食都覺得32文有個炒飯底都真系唔錯，到我真系食落去既時候... ... 哇！！！距竟然加左芝士落去炒，成個飯都好香芝士味，真系好正！！ 好有驚喜！！32文真系物有所值呀！！ 最後我系食噻碗飯，先至食個雞排，個雞排都唔錯，幾“淋”下，都幾好食！ 呢一間真系又平又抵食，果種驚喜非筆墨能形容，真系要試過先知！ 👉👉👉 夜晚去既話，系要加一架！