更多
2021-07-19
81 瀏覽
友人今次又帶我去日式居酒屋搵食,呢度雖然有好多款式選擇,但最出名係食牛類串燒!入到去先點咗兩杯酒,分別係Peach同Lychee Liquor,水果味好突出,原來啲酒真係用咗大量水果浸住。一黎到先黎咗碟前菜,係青瓜條、紅及白蘿蔔、椰菜,點上少少味增醬已夠好食而且餐與餐之間可以減低油膩感。刺身盛合(四點),一客$248新鮮同抵食!橫格肌4串有芝麻醬、蜜糖芥末、wasabi及蒜香味,芝麻醬味道好似芝麻糊,估唔到加埋牛肉味道好得意!月見免治牛肉棒係要撈埋蛋汁先食,牛肉味好濃,口感豐富。芝士牛肉卷,芝士味極濃仲會漿口!鹽燒雞翼及雞軟骨串做到外脆內juicy,充滿咸香,燒得啱啱好!蘆筍豚肉卷加咗蔬菜好清新,味道好夾!白鱔超有驚喜超正,魚皮燒到超香脆,魚肉好厚,咬落去啲魚油出晒黎。但最好食係咸牛肉燒飯團,飯團外面脆卜卜又唔會燒到好硬,飯粒好香芝麻味,加埋煎香咗嘅咸牛肉,味道好濃,好飽又滿足!
友人今次又帶我去日式居酒屋搵食,呢度雖然有好多款式選擇,但最出名係食牛類串燒!
入到去先點咗兩杯酒,分別係Peach同Lychee Liquor,水果味好突出,原來啲酒真係用咗大量水果浸住。
一黎到先黎咗碟前菜,係青瓜條、紅及白蘿蔔、椰菜,點上少少味增醬已夠好食而且餐與餐之間可以減低油膩感。刺身盛合(四點),一客$248新鮮同抵食!
橫格肌4串有芝麻醬、蜜糖芥末、wasabi及蒜香味,芝麻醬味道好似芝麻糊,估唔到加埋牛肉味道好得意!
月見免治牛肉棒係要撈埋蛋汁先食,牛肉味好濃,口感豐富。芝士牛肉卷,芝士味極濃仲會漿口!鹽燒雞翼及雞軟骨串做到外脆內juicy,充滿咸香,燒得啱啱好!蘆筍豚肉卷加咗蔬菜好清新,味道好夾!白鱔超有驚喜超正,魚皮燒到超香脆,魚肉好厚,咬落去啲魚油出晒黎。但最好食係咸牛肉燒飯團,飯團外面脆卜卜又唔會燒到好硬,飯粒好香芝麻味,加埋煎香咗嘅咸牛肉,味道好濃,好飽又滿足!
張貼