十二味熱辣火鍋莊

營業中

休息中

今日晏晝難得約咗朋友，就同朋友去遠少少嘅地方食飯，諗住去同區另外一間好出名嘅新疆菜食飯。但係嗰度實在太多人，要等成個鐘先有得食。即刻轉場去第二度，見呢一間平時喺中環好多人，今日好似冇人排隊。我同朋友分別叫咗一個肉碎炒酸豆角同埋擔擔面。食物方面，炒豆角好有風味，食得出原材料唔錯，呢個送飯一流。我朋友係四川生活過一排，佢都認為呢一個餸己有四川嘅風味。另一個我哋叫咗嘅擔擔麵，依個就有啲辣，但嗰隻辣又唔係嗰種好爽既辣。有少少死辣feel.個人認為唔算特別好食。所以推薦如果有人想試吓依間餐廳。我會建議佢食返啲小菜例如炒豆角，炒牛肉。應該會吸引好多。不過依間餐廳出菜有啲慢。人數嗰日唔算好多，但係第一個餸都要等半個鐘頭先上嚟呢一方面可能餐廳要改善一下，諗諗方法加快上菜速度。