阿里郎熱狗棒 (已結業)

今日喺街度閒逛，見有韓式小食幾特別，見到呢間賣阿里郎熱狗棒嘅，諗起幾年前喺韓國食過，估唔到香港都有得食！😁於是叫左兩個套餐拎返去同屋企人食，包括任有好多條熱狗捧同一大堆韓式食品，拎到手都痛，真係抵食夾大件！😋😚佢全部熱狗都係即叫即炸嘅，每一支阿里郎熱狗棒都大大支，外層脆卜卜，內層鬆軟芝士包芝士腸，簡直係極高享受！☺️🤪我最推介車打芝士熱狗棒，因為芝士量足，一大半都係芝士，口感非常非常豐富，啱晒鍾意芝士香味嘅我！😊🤗水牛芝士熱狗棒，同樣車打芝士棒一樣可拉絲嘅，芝士味濃，食落好煙韌，非常邪惡！😆佢除咗賣熱狗棒，仲有其他韓式小食，例如魚糕，韓式年糕等，個套餐包埋。🤩我好鍾意個魚糕，軟淋淋好有魚嘅香味，啲湯辣辣地好正！上次要喺韓國食到，依家真係好有韓國旅行嘅感覺！😝佢套餐包埋野飲，我就叫左桃味梳打汽水同堤子味梳打汽水，好解渴好好飲！🤤