東寶小館 (已搬遷) 新店位置

_____好味指數：🌟🌟🌟🌟抵食指數：🤑🤑你有冇試過喺club度食小炒😂呢間係北角熟食中心入邊嘅大排檔，除咗嘢食大大份，佢啲音樂同店員都好盞鬼，係會播club music，啲店員又好有趣，會同你傾偈，又會表現特技例如筷子開啤酒樽✅墨汁墨魚麵好黑又好好味！墨汁好香同厚身，加埋彈牙嘅麵一齊食味道好夾，而且仲有墨魚仔同墨魚丸。不過約女仔嘅時候叫呢個就小心啲啦，因為食完會成個咀黑晒✅椒鹽九肚魚炸粉好薄，炸得香脆，而且魚身肉質鬆軟好香口，配啤酒一流！