更多
2021-12-11
415 瀏覽
好在週年紀念日喺12月，所以可以當做提早食聖誕大餐，又唔洗同其他人逼埋同一個星期慶祝～雖然會比其他月份貴少少，但可以試到特別餐點都好🥳餐廳位於尖沙咀港威中心對面嘅商廈8樓🏤原本打算星期一食，解一解monday blue，不過餐廳當日被包場，證明都有不少捧場客～餐廳好有情調，就係睇中呢一點先訂黎慶祝☺️我地兩個人叫咗聖誕餐牌，有好多道菜式，好吸引！Homemade bread餐廳一黎會送上自家製嘅法式麵包，當日分別有芝士脆片、法式軟包同蕃茄包🥖🍞伴隨麵包更附有自家製風乾蕃茄牛油🧈Confit Salmon 呢個法式油封三文魚係用一個沙律杯的方式呈上～食嘅時候，口感同平時食嘅三文魚刺身好唔同，有啲似煙燻三文魚，但就更滑嫩同濕潤😳浸著三文魚嘅係青瓜泡泡，食嘅時候表面再灑上魚子醬整體感覺清爽得黎又帶有黎自大海嘅鮮味，配上青蘋果嘅爽脆真係好正😆Braised Short Rib Brioche 聽到侍應介紹呢個係牛肋條都嚇咗我一跳，因為個樣完全聯想唔到！🤣食落就知道係模仿威靈頓牛柳嘅做法，以酥皮包住牛肋肉～食落口感偏紮實，有啲似咬緊好粉嘅麵包，肉味未算好突出😜伴碟有浸泡過橙汁嘅甘荀同松露泡沫，口味
雖然會比其他月份貴少少，但可以試到特別餐點都好🥳
餐廳位於尖沙咀港威中心對面嘅商廈8樓🏤
原本打算星期一食，解一解monday blue，不過餐廳當日被包場，證明都有不少捧場客～
餐廳好有情調，就係睇中呢一點先訂黎慶祝☺️
我地兩個人叫咗聖誕餐牌，有好多道菜式，好吸引！
Homemade bread
餐廳一黎會送上自家製嘅法式麵包，當日分別有芝士脆片、法式軟包同蕃茄包🥖🍞
伴隨麵包更附有自家製風乾蕃茄牛油🧈
Confit Salmon
呢個法式油封三文魚係用一個沙律杯的方式呈上～
食嘅時候，口感同平時食嘅三文魚刺身好唔同，有啲似煙燻三文魚，但就更滑嫩同濕潤😳
浸著三文魚嘅係青瓜泡泡，食嘅時候表面再灑上魚子醬
整體感覺清爽得黎又帶有黎自大海嘅鮮味，配上青蘋果嘅爽脆真係好正😆
Braised Short Rib Brioche
聽到侍應介紹呢個係牛肋條都嚇咗我一跳，因為個樣完全聯想唔到！🤣
食落就知道係模仿威靈頓牛柳嘅做法，以酥皮包住牛肋肉～
食落口感偏紮實，有啲似咬緊好粉嘅麵包，肉味未算好突出😜
伴碟有浸泡過橙汁嘅甘荀同松露泡沫，口味好創新
Pan Seared Prime Sirloin
西冷牛肉煎封好表面，中間仲好粉嫩，仲鎖緊晒肉汁😋
有咬口但冇筋，而肉味會愈嚼愈出，食落有好幸福嘅感覺🥰
Christmas Dessert
係櫻桃餡奶酪卷配香草雪糕🍨
好適合鍾意肉桂嘅人！
酥皮卷有啲咬口，而一食，肉桂嘅味道就喺口腔入面徘徊💕
成件事好有聖誕feel😆
張貼
