Mamaday (已結業)

網友介紹去麻麻地，我第一個反應，呢啲搞 gimmick ，食物一定麻麻地啦，即管去睇睇，一入樓梯，裝修好搞笑，餐廳好colorful, 好多古靈精怪牌，例如「are you Road 係唔係路」，食物名稱也相當奇特「到底可以有幾求其、可能會失望、真心無驚喜、平凡到冇得再平凡」，連餐碟都特別過人Lunch set 「中國芝士南乳配西方芝士在家肉碎pizza 」，加8元有沙律，加38元有waffle。估佢唔到，原來南乳醬加芝士係咁夾，pizza 薄又脆。 「紫薯waffle 」，掂呀，waffle 內有紫薯，加上豆腐味雪糕，又唔太甜，啖啖紫薯味，顏色靚。「唔好抱咁大期望蒲燒鰻魚蛋包飯」，簡直超出預期，鰻魚好厚身，蛋好滑，飯都加左鰻魚汁，超大份。下次約閨蜜嚟食吓甜品、小吃、聽下音樂、睇吓D搞笑牌，亦一樂也。