屯利佳餐廳

去屯門取D嘢，見到華都商場側邊有間餐廳似乎唔錯。鋪頭外頭有餐牌就入去試吓。
老細禮貌歡迎入店，我估都係做街坊生意。入門就問我係咪啱收工hhh🤣（我孭住個超級超級大嘅袋）。廚房開嗮門俾人客睇嘅，直接可以睇到師傅手速驚人整緊嘢食😋。哩度落單掃個QR Code or手落單都得。

🥢【咖喱牛肉飯】/ $58+10炒底
出餐速度尚可，拎上黎之時已經聞到好香嘅咖喱味，咖喱底味道就係合格水準，不過個牛肉就靚喇😲幾十蚊嘅飯餸牛肉居然唔薄唔柴，爽滑有鮮味，實屬驚喜。特別建議飯炒底。炒底同咖喱牛超夾。食一啖咖喱牛肉再餸埋一啖飯真係好香。飲多啖熱阿華田滿足感拉到滿😋😋

3