Story Steak & Pasta (已結業)

心血來潮之下想同朋友去鋸扒，行行吓見到呢間餐廳，於是就決定同朋友試一試。同朋友過叫咗一個西冷扒嘅套餐套餐其實包好多嘢食，除咗主菜之外，仲可以揀食薯條or飯or意粉。仲有焗到好脆嘅蒜蓉包，餐湯（有得揀南瓜湯或者蘑菇湯）同一杯餐飲因為餐牌嘅食物實在太吸引啦，所以我哋都忍唔住叫多咗一個雞翼小食，呢個小食真係必叫之選，雞翼炸起上嚟外皮好脆，入面中有好多嘅肉汁流出嚟，誠意推薦比鍾意食雞翼嘅人！餐湯嘅表現都十分好，我叫嘅係蘑菇湯，真係食到有蘑菇一粒一粒喺碗湯入面，有口感之餘，味道都好有層次。最後就係主菜啦，我同朋友都叫咗七成熟，啱啱上碟嘅時候切開嚟食真係最好食，切出嚟嘅側面真係好靚，食落去會發現廚師嘅手勢好好，真係剛剛好，唔會太生唔會太熟。食得出牛扒原有嘅味道，再配埋佢自製嘅醬汁，真係食過返尋味。