走肉‧朋友 (已結業)

朋友話想試下呢間素食自助餐，我見平日下午價錢咁抵($68限時一個鐘)，自助餐就食得多，素食自助餐我真係未試過，所以好快就夾左個日子一齊去試～一入到去係cashier俾左錢就可以搵個位坐低開始食LU～蓮藕雜豆湯係正常素湯味道，無咩特別～炸物幾多選擇，試左舊炸紫薯，外皮幾香脆，粉唔厚，OK唔錯既～推介右邊呢個釀茄子，煎得好香👍 醬汁惹味～左邊既炒飯粒粒分明同幾香咖哩味，唔錯👍　但右邊既伊麵略嫌油賺左Ｄ。。。左邊油炸鬼太太太硬，唔好食，咬到Ｄ牙就甩👎🏻　右邊甜酸齋正常左邊舊口水雞好味，做到好真！而且唔會好似真果Ｄ雞某Ｄ部位咁＂鞋＂👏🏻👏🏻不過選擇好似真係偏向蔬菜類多，無乜素肉款，但呢個價錢都過關既！