倫敦大酒樓

營業中

休息中

好耐冇見過咁舊式嘅酒樓，仲推點心車，即時好似回到兒時，好親切！見到周圍D茶客，都有番咁上下年紀，老人家都好多。食物質素……又唔錯噃，估佢唔到，有番傳統酒樓嘅水準，價錢亦唔貴。水夠滾，一冇水就有人加滾水沖茶，食完嘅碟、蒸籠，好快有人收。而家大部分D酒樓茶室，唔叫都冇人嘢，叫……都好耐至得閒睬你，尤其係加滾水，有D擺個熱水壼比你自己加水，水……未必夠滾，一係……叫得嚟，索性自己去加滾水。當然，舊即係舊，裝修及乾淨就唔及新嘅酒樓喇，不過，勝在唔洗背脊黏背脊囉。所以，呢間算係……性價比高。