GAVI

營業中

休息中

諗住喺公司樓下近近地試吓，見佢個價錢唔算平，環境都幾靚，平時喺樓下見到佢有個阿姐宣傳，叫得好落力，仲話唔好食搵返佢都得，所以都諗住嚟試吓，今日叫咗個牛扒五成熟，佢上到嚟接近well done，好難咬，亦都唔覺得新鮮煎出嚟，我唔肯定係唔係煎好晒之後，客人叫到之後再返熱，我向職員反映，還未到好難食，而且唔係五成熟，但我冇諗住要換過份新，最後職員都堅持話幫我玩，但係最後都係話做唔到叫我轉過第二份餐，OK，我叫咗個咖喱牛舌飯，咖喱味不過不失，牛舌亦都冇乜特別，整體嘅味道你同喺買微波叮叮嘅質素差唔多，最大問題係佢好似真係叮出黎，因為有啲地方熱有啲地方唔熱。。。另外朋友叫咗個意粉，完全唔好食….今次食嘅經驗好差，其實啲職員態度非常之好，環境都唔錯，不過食食吓去途中竟然有烏蠅….我覺得如果成間舖頭係有心去經營嘅，咁頭先所講嘅所有嘢真係要用心去改善吓，因為我就一定唔會再食第二次，如果你係有心經營嘅，希望你睇到我嘅意見啦