更多
2021-04-01
567 瀏覽
咁啱同男朋友去荃灣行街因為未食lunch所以好肚餓 行到攰，喺路德圍附近是但入咗間茶餐廳食嘢 餐廳畀我嘅感覺係充滿懷舊feel 就係鍾意呢種茶餐廳，夠親切其中有位老侍應，服務態度好好做嘢又勤快 又細心，好有親切感仲好有禮貌添，所以令我哋印象深刻佢幫我哋落完單之後，叫我哋等一陣食物好快就會到我哋一人嗌咗一杯凍飲 我飲七喜，男友飲凍檸茶唔知點解總係覺得茶餐廳啲汽水特別好飲天氣又咁鬼熱，飲一啖真係透心涼我就嗌咗炸雞髀配薯條，都等咗一陣先上枱由於係啱啱炸出嚟，所以仲係熱騰騰因為太肚餓所以好心急食，點知熱到辣親條脷薯條睇落同m記嘅差唔多大細味道食落去都好似，不過呢間嘅質感就實淨啲，脆啲雞髀就大細適中，肉唔算多唔算肥美不過呢～炸得有少少乾，所以雞髀嘅肉汁可能因為太大火所以被吸乾好食就好食嘅啲，肉炸到脆卜卜但係有少少硬，如果唔係炸得咁over會好啲嘅味道嚟講，都有少少淡，唔夠鹹男友就嗌咗西多士，反而呢個就有啲驚喜 因為個樣望落去麻麻地，但味道反而又幾香口餐廳仲畀埋一大樽蜜糖我地牛油又一大片，睇見都流口水可以自己按鍾意嘅份量加落去
因為未食lunch所以好肚餓
行到攰，喺路德圍附近是但入咗間茶餐廳食嘢
餐廳畀我嘅感覺係充滿懷舊feel
就係鍾意呢種茶餐廳，夠親切
其中有位老侍應，服務態度好好
做嘢又勤快 又細心，好有親切感
仲好有禮貌添，所以令我哋印象深刻
佢幫我哋落完單之後，叫我哋等一陣
食物好快就會到
我哋一人嗌咗一杯凍飲
我飲七喜，男友飲凍檸茶
唔知點解總係覺得茶餐廳啲汽水特別好飲
天氣又咁鬼熱，飲一啖真係透心涼
我就嗌咗炸雞髀配薯條，都等咗一陣先上枱
由於係啱啱炸出嚟，所以仲係熱騰騰
因為太肚餓所以好心急食，點知熱到辣親條脷
薯條睇落同m記嘅差唔多大細
味道食落去都好似，不過呢間嘅質感
就實淨啲，脆啲
雞髀就大細適中，肉唔算多唔算肥美
不過呢～炸得有少少乾，所以雞髀嘅肉汁
可能因為太大火所以被吸乾
好食就好食嘅啲，肉炸到脆卜卜但係
有少少硬，如果唔係炸得咁over會好啲嘅
味道嚟講，都有少少淡，唔夠鹹
男友就嗌咗西多士，反而呢個就有啲驚喜
因為個樣望落去麻麻地，但味道反而又幾香口
餐廳仲畀埋一大樽蜜糖我地
牛油又一大片，睇見都流口水
可以自己按鍾意嘅份量加落去
張貼
