掌壽司 (已結業)

今日係特別日子，所以一早已經book 左位，食我哋好少食嘅日本野。本身無咩期望，未試過係觀塘嘅工廠大廈食嘢，心諗係呢d地方，邊有好食新鮮野。一食完，我就完完全全收番我講嘅嘢。我哋兩個人，嗌左一個定食晚餐，一個廚師發板晚餐。一黎前菜細細碟，好精緻，有豆腐，有大根，有魷魚。沙律都好出食，有櫻花蝦。食完之後黎刺身，wow, 有我最鍾意嘅廣島蠔，海水味淡，好爽口，之後仲有間八魚，牡丹蝦同象拔蚌。 壽司方面，有鰤魚，當做嘅秋刀魚，活赤貝，海膽魚籽，所有都好好好新鮮。之後仲有卷物，燒物，煮物同吸物，仲之食到好飽好抵食。最後，個芝麻雪糕好出食，令我愛上！！