營豐海南雞專門店 (柴灣道)

營業中

休息中

雖然住咗柴灣已經好耐，都唔知道原來柴灣開咗一間專食海南雞飯嘅專門店添，今日原本打算去美心西餅買麵包，結果無意之中發現左呢間鋪頭，本來打算去茶餐廳買午餐嘅我，就轉左去呢一間店舖買一個外賣打算做我嘅午餐啦，去到門口，都有好多選擇㗎，當然主打係海南雞啦，仲有咖喱飯添，因為我係第一次去幫襯，咁當然梗係要試吓佢哋專門店賣嘅海南雞飯啦😃我買咗一個海南雞飯套餐，店舖阿姐問我要油飯定係白飯，我就要左油飯啦，因為平時屋企係唔會自己煲油飯㗎嘛😅跟住個套餐仲會跟埋個湯或者嘢飲，係我諗緊之際，阿姐就推介我佢哋個老火湯啦，佢話俾我聽佢哋嘅湯係每日朝頭早新鮮煲起架，絕對冇任何味精，我本着一試嘅心態就要左個湯啦，另外我喺櫥櫃嗰度見到佢哋有其他小食，我就加咗$20蚊有5隻雞翼，返到屋企一打開，賣相唔錯，分量十足，先試下阿姐個推介老火湯先，果然冇味精，而且好足材料添😲，我今日飲嘅係花生木瓜雞腳湯，原來佢每日有唔同嘅是日例湯架，今餐食得好飽好滿足，盛惠共$65元。