更多
2019-07-07
526 瀏覽
食煲仔飯我淨係識去佐敦，今次試下呢間人氣煲仔飯，為左避開多人時間，決定食個早飯。六點幾就去等位，果然好快就有位。一坐低，就有人介紹豬骨煲，極力推介之下就試一試啦！好大煲，豬骨就成5舊，仲有粟米，生菜。湯底好濃郁，想不停咁飲。豬骨大件有肉地，最後我加多碟菜黎打邊邊，好健康不過尾尾有少少鹹。今日目的係食煲仔飯，就叫左個窩蛋牛肉煲仔飯，佢係半熟蛋加醃好嘅牛肉，重點係有飯焦呀！係飯焦呀！係飯焦呀（重要嘅野要做3次）呢個半熟蛋可以俾你撈番落個飯度，牛肉好味唔會‘鞋’。最後，都係忍唔住叫埋個蠔餅，只可以用兩個字形容‘酥’，‘脆’！食唔到厚厚粉漿，每啖都有蠔仔，足料，佢仲有䓤/芫茜係入面，令佢更加香，好味
一坐低，就有人介紹豬骨煲，極力推介之下就試一試啦！
好大煲，豬骨就成5舊，仲有粟米，生菜。
湯底好濃郁，想不停咁飲。豬骨大件有肉地，最後我加多碟菜黎打邊邊，好健康
不過尾尾有少少鹹。
今日目的係食煲仔飯，就叫左個窩蛋牛肉煲仔飯，佢係半熟蛋加醃好嘅牛肉，重點係有飯焦呀！係飯焦呀！係飯焦呀（重要嘅野要做3次）呢個半熟蛋可以俾你撈番落個飯度，牛肉好味唔會‘鞋’。
最後，都係忍唔住叫埋個蠔餅，只可以用兩個字形容‘酥’，‘脆’！食唔到厚厚粉漿，每啖都有蠔仔，足料，佢仲有䓤/芫茜係入面，令佢更加香，好味
張貼
