京滬村 (已結業)

好耐無食過片皮鴨上一次食已經係幾年前嘅事，收到傳單得知元朗開左新野，有鴨食，近近地幾好，睇下掂唔掂檔先。叫左呢個北京烤鴨一食，三百幾，算平，隻鴨都幾大隻，即叫即烤，睇住佢係廚房堆出黎，仲出煙，好似好正咁。個女工係面前切，手勢唔錯，切出黎D皮大大塊，皮下脂肪唔多，唔油，好香好脆，有少少肉痴住好食，包鴨嘅皮蒸熟拎出黎，好熱好辣手，皮算厚，都好，飽D，有蔥、青瓜做配料，個烤汁甜甜地，加D豆瓣醬仲正，又甜又辣又香。唔揀二食三食嘅話隻鴨可拎返屋企，仲有好多肉下，正呀，聽晚加餸。