馬祖 (將軍澳廣場) (已結業)

將軍澳廣場的台灣馬祖藥膳養生鍋開咗一段時間，今日終於有機會試試。一個人叫了個蟲草花藥膳農場雞米線(HK$59)＋上湯浸時蔬(HK$19)，價錢實惠。服務基本上採取自助式，地方幾濶落，整潔。食物方面勁大碗，啲雞幾嫩滑唔嚡，不過食唔到農場雞味，喜歡佢加咗好多芫茜。養膳湯底主要是有好多好多紅棗同杞子，可能仲有其他藥材，不過我食唔出。先食完晒個浸菜，然後食晒啲蟲草花紅棗同雞，之後已經好飽，但啲米線都好好味，不知不覺又食埋。眼濶肚窄，結果行出餐廳時，飽到上心口。天啊！下次千萬要記得呢個教訓，值得再嚟。