BnR

眾所周知荃灣放lunch大壩街一掃大把餐廳，今次去左呢間有得食喇沙既餐廳，入到去冷氣好凍😓，唔敢叫凍野，但就試左個豬軟骨喇沙，貪佢夠熱食完暖翻🐷，湯底好飲好有奶香味又夠滑，仲有豆卜油炸鬼好搞笑。米線份量充夠飽肚，豬軟骨已經炆到好淋，骨肉分離，好出色，仲好入味添😍。加埋件肉已經夠曬飽了，埋單$68仲有熱飲，入面都幾多人幫襯，用qr code落單方便，但個app有少少UI上既bug，有啲難用既😂。