更多
2022-10-05
1453 瀏覽
係玄學上睇翻自己條命，知道自己無咩出門旅行運，40歲後先第一次坐飛機，第一次出門就係台灣!仲要第一次出門就揸電單車半個台灣環島自駕遊!早前經過北角，已經留意到哩間九份飽，大大個玻璃幕牆清清楚楚睇到入面濃厚嘅寶島裝修風情，於是同女友小熊一齊去見識吓......一入門坐滿九成客，感覺侷促擠迫，坐底之後同侍應講冷氣不足，佢地話已經開到最大，唉.... 無辦法唔大大扣分!點咗個香酥排骨飯，鹽酥雞，酥炸魷魚，大腸包小腸，凍荔枝鳳梨冰同凍鳳梨綠茶.優點:1, 環境一流無得輸! 地點方便就腳近地鐵又有巴士站.2, 香酥排骨飯，望上去以為份量少，點知D飯壓到實一實，食唔哂，排骨外脆內軟 juicy.3, 鹽酥雞同酥炸魷魚同樣外層香脆，魷魚硬咗D，但份量足無偷工減料食到牙較都痛! 鹽酥雞肉嫩 juicy，滿意!4, 食哩份大腸包小腸最有台灣感覺，一來香港唔易搵到，二來九份飽又煮得夠正宗，大腸包小腸係外層糯米包住台灣香腸，台灣香腸食落似臘腸，但口感比臘腸軟，外層糯米軟糯，小腸味道夠正宗，最難忘!缺點:1, 荔枝鳳梨冰同鳳梨綠茶味道極淡.2, 香酥排骨飯唔夠茨汁，太乾身唔夾自己口味.3, 大腸包小腸份量不足
仲要第一次出門就揸電單車半個台灣環島自駕遊!
早前經過北角，已經留意到哩間九份飽，大大個玻璃幕牆清清楚楚睇到入面濃厚嘅寶島裝修風情，於是同女友小熊一齊去見識吓......
一入門坐滿九成客，感覺侷促擠迫，坐底之後同侍應講冷氣不足，佢地話已經開到最大，唉.... 無辦法唔大大扣分!
點咗個香酥排骨飯，鹽酥雞，酥炸魷魚，大腸包小腸，凍荔枝鳳梨冰同凍鳳梨綠茶.
優點:
1, 環境一流無得輸! 地點方便就腳近地鐵又有巴士站.
2, 香酥排骨飯，望上去以為份量少，點知D飯壓到實一實，食唔哂，排骨外脆內軟 juicy.
3, 鹽酥雞同酥炸魷魚同樣外層香脆，魷魚硬咗D，但份量足無偷工減料食到牙較都痛! 鹽酥雞肉嫩 juicy，滿意!
4, 食哩份大腸包小腸最有台灣感覺，一來香港唔易搵到，二來九份飽又煮得夠正宗，大腸包小腸係外層糯米包住台灣香腸，台灣香腸食落似臘腸，但口感比臘腸軟，外層糯米軟糯，小腸味道夠正宗，最難忘!
缺點:
1, 荔枝鳳梨冰同鳳梨綠茶味道極淡.
2, 香酥排骨飯唔夠茨汁，太乾身唔夾自己口味.
3, 大腸包小腸份量不足.
4, 冷氣嚴重不足之餘，又迫，D櫈又坐得極唔舒服，有種趕客唔想你久留感覺.
相信...... 唔會再嚟幫襯了! 實在太熱! 未食哂已經無心情食!
前：香酥排骨飯 後：鹽酥雞
23 瀏覽
0 讚好
0 留言
香酥排骨飯
70 瀏覽
0 讚好
0 留言
鹽酥雞
31 瀏覽
0 讚好
0 留言
大腸包小腸
33 瀏覽
0 讚好
0 留言
酥炸魷魚
23 瀏覽
0 讚好
0 留言
張貼
