影片
更多
2015-12-21
924 瀏覽
又好幾個月無寫食評了, 因為都真係抽唔出時間... ... ... ... ...無, 真係無, 都無辦法, 各位老友記都睇到我有幾唔得閒啦, 打機都唔得閒, 即係真係好忙...言歸正傳, 今日同Honey'出城' 去咗深水埗搵食, 有咩好食? 去試吓經過好幾次都見到人頭湧湧, 名不經傳的這間地道街坊茶記為今日的第一站~ Let's Go, go go go!!地方舊, 亦有少少亂, 茶客又多, 人迫人格局, 地面少少污糟, 但大家嚟得呢類型茶記唔好期望會'窗明几淨', 合理期望就收貨啦...招呼方面, 兩位女主持都好落力幫眾茶客搵位, 安頓好又會送上免費熱茶, 真係熱o架! 可算是期望以外, 加分!是日抵達時間是10:5x分, 有位坐定定已經剛剛過了11時, 但阿姐都照幫我們寫早餐, 呢啲街坊茶記真係抵錫, 多謝!! 叫咗兩客沙爹牛麵餐, 有火腿絲奄列同餐飲, 蛋就食慣"Fa記"的好嘢, 真係無得比, 呢度薄薄的奄列但都煎得幾香口幾靚, 收貨喇!! 沙爹牛麵出奇地好, 沙爹香, 牛並無'毑'到林晒無晒味, 意料之外, 唔錯! 但因為我本來無諗住寫食評(已經幾個月無寫,
地方舊, 亦有少少亂, 茶客又多, 人迫人格局, 地面少少污糟, 但大家嚟得呢類型茶記唔好期望會'窗明几淨', 合理期望就收貨啦...
招呼方面, 兩位女主持都好落力幫眾茶客搵位, 安頓好又會送上免費熱茶, 真係熱o架! 可算是期望以外, 加分!
是日抵達時間是10:5x分, 有位坐定定已經剛剛過了11時, 但阿姐都照幫我們寫早餐, 呢啲街坊茶記真係抵錫, 多謝!! 叫咗兩客沙爹牛麵餐, 有火腿絲奄列同餐飲, 蛋就食慣"Fa記"的好嘢, 真係無得比, 呢度薄薄的奄列但都煎得幾香口幾靚, 收貨喇!! 沙爹牛麵出奇地好, 沙爹香, 牛並無'毑'到林晒無晒味, 意料之外, 唔錯! 但因為我本來無諗住寫食評(已經幾個月無寫, 積存幾十篇稿, 真係爆晒)所以個麵無影相呢! 飲埋杯茶, 嘩~嘩~ 真係卧虎藏龍~ 不得不寫!!! 即刻影低佢先, 寫篇短的,快的, 點都要補番張相啩! 因為杯央香/濃/滑而不澀, 嗒一啖真係有水準!!! 嘆番杯好味的央去開始一個美好的星期天真係very good! 同發記Mr Tang親自沖嗰杯都有得比一比咁好味, 真係意料之外, 所以幾唔得閒都好, 要快快寫番個食評讚一讚佢! 這間榮華店子細細不斷出出入入都維持有十個八個在店內等位, 可想而知人氣幾旺盛!!! 睇嚟有啲原因嘅...We will be BACK!!!
熱鴛鴦
49 瀏覽
0 讚好
0 留言
張貼
