龍鳳冰室

突然好想食地道既香港茶餐廳..所以就揀左呢間龍鳳冰室!見到個餐牌樣樣野都幾貴下,所以睇左好耐先點左個兒童特餐!
其實我唔太明白點解呢個會叫兒童餐..因為根本就係大人份量..有雞脾..薯條同炒蛋..仲有黑牛(可樂+朱古力雪糕)..真心唔知小朋友點食得晒..
BTW,幾鍾意呢度既鹵水雞脾同炸薯條..雞脾好入味..薯條亦都幾脆..
至於炒蛋係就係幾好食..但未免太”漏”喇..只可以講唔係我杯茶..
總括黎講, 食物味道係唔錯,但個餐要比成52蚊就唔抵食囉

黑牛

兒童特餐