上海姥姥

營業中

休息中

週末去左德福食上海野，見到上海姥姥唔太多人就入去。其實地方細少少，但係裝修同座位都好舒服、整潔。我同老公兩個叫左兩個午市套餐: 小食+飯/麵+飲品我點嘅雞絲粉皮好多花生醬，撈落去粉皮青瓜絲好香口，而且份量少少就夠，因為仲有個麵。酸辣麵個湯好好飲，少辣帶點甜，餸料都豐富，麵條都剪開一半，方便食用。老公嘅魚羹味道清清淡淡，先暖吓胃，唔錯。個排骨配菜飯仲出色，每塊肉牌肉質嫩滑又淋，外層亦炸得鬆脆，味道香口唔油膩。加上有薑蔥蓉點食，減緊肥都忍唔住偷食🤭菜飯大大碗，男士都夠飽。